لفت عضو كتلة المستقبل النيابية النائب طارق المرعبي عبر تويتر قائلاً : فهمنا انو الليرة خسرانة ٥٠-٦٠بالمية من قيمتا بالسوق الحر بس فينا نفهم ليش الاسعار تربلت بالسلع الغذائية يعني اقصى حد لازم على قد قيمة خسارة الدولار فاين دور وزارة الاقتصاد لمتابعة الاسعار والوقوف مع الناس بمحاربة الغلاء
وأضاف المرعبي : البضائع الغذائية تستورد من برا بالدولار وكان سعرا قبل الازمة ١٠٠٠ ليرة بعد الازمة اكتر شي لازم تصير ٢٥٠٠ ليرة مع العلم انو بسعر ال١٠٠٠ ليرة في اقل شي من٢٠ بالمية لل٤٠ بالمية تكاليف تدفع بالليرة حصرا من معاشات موظفين ومالية وجمرك وضمان و tva وايجارات واستهلاك ومربح كلو بالليرة
وتابع المرعبي : يعني اللي كان حقا ١٠٠٠ ليرة فيا٤٠٠ ليرة باللبناني و ٦٠٠ مثلا بالدولار اي٤٠ سنت عالدولار وبحسبة بسيطة ٠،٤٠*٣٥٠٠= ١٤٠٠ ليرة زائد ٤٠٠ ليرة كل تكاليف اللتي تدفع باللبناني اي مجموعن ١٨٠٠ ليرة لنضع حدا لجشع التجار بدون ضمير خلال الازمات حتى ربحن بدن يا بالدولار ودوبل الناس عم تتبرع