كتب المهندس زكريا الزعبي تحت عنوان مع الثورة_النظيفة
سألني أحدهم : هل انت مع الثورة. اجبته بكل ثقة : انا مع الثورة ومع شعب لبنان ومع التغيير وضد كل الفاسدين ومع استرداد الأموال من كل سارق، وضد قانون الانتخاب الطائفي، ومع الدولة المدنية الجديدة بدون الطائفيين، مع الجيش والقوى الأمنية بدون بعض الضباط الفاسدين، مع المؤسسات بس بدون بعض الموظفين المرتشين والفاسدين، مع الشباب المتعلمين والمزارعين والعمال الكادحين، مع الدولة العادلة بدون قضاة بلا ضمير تابعين مأمورين مرتشين، انا مع الشباب المتخرجين ويبحثون عن مستقبل مشرق، ومع المسنين الخائفين الذين يبحثون عن حياة كريمة، مع الفقراء ورجال الأعمال والتجار المحترمين بدون المحتكرين، مع الأطفال ومستقبلهم، مع رجال الدين الذين يدعون لله والمحبة والتقوى والخير..
انا مع المغتربين والمقيمين المناضلين، انا مع اقتصاد قوي والسياحة ومع استخراج النفط والغاز، وسكة الحديد والمطار والجامعة.. ، مع كل لبنان،
بس اكتر واكتر مع عكار الحرمان عكار الجمال الجيش..
انا زكريا الزعبي، ابن عكار مع الثورة، الثورة لأهداف نبيلة وخطة مدروسة بس بدون بعض الزعفران، انا مع الثورة ضدن كلن يعني كلن، بس بدون تعميم الإهانات واستفزاز البعض. بدنا ثورة زكية توصل للهدف مش ثورة غبية ردة فعل تنطفي متل فورة البيبسي بعد لحظات، بدنا ناكل عنب مش نجرح بالقامات،
انا زكريا الزعبي مع الثورة النظيفة الصادقة التي تحمل أهداف نبيلة نحو دولة عادلة عكار فيها متل جونية والدون تاون.